Smá leiðrétting á staðsetningunni.

Sanford flugvöllurinn er norðvestur frá Orlandó.  Það verður smá sakn að hætta fara þar um, þar sem Sanford flugvöllur er lítill og auðveldur að nota bæði við komur og brottfarir frá Orlandó. Engar biðraðir, eins og við vitum sem erum hérna í Flórída,  þá eru þær  oft mjög langar á MCO flugvellinum í Orlandó. En öllu má venjast, sem betur fer. 

Icelandair skiptir um völl í Orlando

Aldraðir í Reykjavík

Það er nauðsynlegt að vekja athygli enn og aftur á aðstöðu aldraða í Reykjavík.

Það er skömm að Íslenska velferðarlandið veiti ekki meiri þjónustu við aldraða. Þegar þeir eru

búnir að vinna alla ævina og greiða sína skatta og gjöld, þá fá þeir mjög takmarkaða þjónustu

td. ef þeir verða veikir og geta ekki verið einir heima og hugsað um sig. Þá eru allar stofnanir

fullar,og ekkert í boði.

Á meðan er almanna fé eytt í Kínaferðir og annan óþarfa, sem ekki verður upptalið hérna. Hvar er lífsgildið hjá Íslendingum, og kannski meira, hvað hugsa þeir sem eru við stjórnvöld,

að þeir verði ekki gamlir, eða að þeir fái aðra og betri þjónustu þegar að því kemur.

Það er skömm að koma svona fram við þá sem eru búnir að vinna alla ævi fyrir því sem við

í dag höfum á Íslandi.

Ég skora á borgarstjórn að taka þetta málefni til nánari endurskoðunar, í ljósi þess að við verðum jú öll gömul ef við fáum að lifa það lengi.

 

 

Eigandinn óábyrgur.

Eigandinn ætti ekki að fá hvolpinn aftur í sína vörslu. Hann hefur ekki sýnt næga ábyrgð fyrir dýrinu, ef það finnst illa á sig komið út í hrauni. Hvernig eigandi er það? Og hvaða réttmæta skýringu er hægt að gefa á svona löguðu?  Ég vorkenni hvolpinum að fara aftur til sama eigandans sem lofaði þessu að ske. Eigendur gæludýra eru ábyrgir fyrir þeim. Það er ekkert sem réttlætir þetta. Hvergi kemur fram hvort eigandinn hafi hringt á lögregluna og látið hana vita að hvolpurinn findist ekki.  Vona að svona framkoma við saklausar skepnur komi ekki til aftur. Þetta er ömurleg  frétt.

Hvolpurinn afhentur eigandanum

Icelandair - Sanford flug FI688- 9. Júní,2007

Ég má til með að vekja athygli á framkomu Icelandair við farþega sína. Málið er, að ég ásamt dætrum mínum vorum á leið með Icelandair til Amsterdam,  frá Sanford,Flórída. Farþegar voru látnir bíða á Sanford flugvelli, eftir innritun, hátt í 5 klst. eftir að fá vitnesku um það hvort flugið yrði farið eða ekki. Þarna voru farþegar sem þurftu á lyfjum að halda, og þau voru í ferðatöskunum sem var búið að taka, og fengust ekki, jafnvel þó að fluginu yrði frestað til næsta dags.  Gist var á Marriott hóteli í Sanford, og flogið næsta morgun kl. 9 fh.  Flugið til Íslands tók eins og venja er um 7 klst. og einungis var borið fram ein morgunverðar samloka, ekkert kaffi, eða te. Þegar komið var til Keflavíkur, voru margir farþegar að fara áfram til Evrópu. Og jú, víst voru margar fjölskyldur að kvarta undan svengd, ekkert var boðið uppá að borða fyrir þau. Allt lokað á Keflavíkurflugvelli. Ég ætla ekki að lýsa því hvað farþegarnir voru óánægðir, og já, svangir líka.  Okkur mæðgunum  var boðið að fara til Kaupmannahafnar, um miðnætti , og vera á flugi alla nóttina! Þetta átti sem sé að verða reglulegt púl, að komast í sumarfríið. En, hægt var að benda starfsfólki á að auðveldara væri fyrir okkur, að fara með vél Icelandair,næsta morgun til Amsterdam beint frá Keflavík, og það fékkst.

Það sem ég er mest ósátt við hjá Icelandair, er að þeir hafa ekki svarað bréfi mínu sem ég sendi  þeim, varðandi hótel kostnað sem ég varð að greiða, vegna seinkunar Icelandair vélarinnar í Sanford . Ég borgaði fyrir hótel nóttina sem ég missti af, og finnst það lélegt að fá ekki neitt svar frá Icelandair. Mér sárnar kannski mest þessi framkoma, þar sem ég hef verið að þjóna Icelandair farþegum hérna í Orlandó, í mörg ár, með móttöku og akstri, vítt og breytt í Flórída. Þessi framkoma sýnir vel að Icelandair eru með algera einokun á fluginu til og frá Bandaríkjunum, og virðast geta komið illa fram við farþega sína.